استوحيت المقطع الثاني من اسم العنوان بصراحه من اسم برنامج نكت شوارع
نهفات طبخ = نكت شوارع ... شايف فيهم رابط عجيب مش عارف وين
المهم هالبوست ح يكون لـــ نهفاتنا ونهفاتكو طلعن سوا .. لنهفاتنا ونهفاتكم
في الطبخ ..... اي حد عنده نهفة بهالموضوع فليتفضل بها ...
يعني مثال ... حطيتي على طبخه سكر بدل الملح .... حطيتي ملح انجليزي بدل السكر بيوم على
قهوه .... يعني من هالقصص ..


المهم يا جماعة الخير ... ابلش بــ نهفتي
اليوم انا ورشود .. راشد حبيب قلبي . ( ابن اخوي )
خططنا نحضر فيلم ... فاقترح علي الامور انه نجيب بوشار ...
الصراحه اقتراحه جهنمي ..لانه الفيلم اكشن وحركات ,, فبدها الشغله مزمزه ..
رحت والله اشتريت هالبوشار ,,, من السوبر ستور ,,, ارقى دكان بالعالم ..
ابو عمر مول ... ومرات بحكيله ابو عمرسوبر بلازا ستور
الدكانه الوحيده بالحاره ,,
.. واجيت ,, سألت رشودي بتعرف تعمل بوشار ...؟ حكالي لأ ... وانا ما عندي خبره بهالموضوع ...
وما في حد بالبيت ... ,,, قلت نتوكل على الله وانا ح اعمله ,,
حكالي بتعرف شو ,, تحط ؟
حكتله شو بدها الشغله كلها شوية زيت بطنجره صغيره وخمس دقايق وكل شي بيخلص ... لا وكنت بحكي معه بثقه وهيك ..
المهم ,,, رحت والله حطيت هالزيت ,, وحطيت هالطنجره ع النار ..
لما سخن الزيت شوي ,,,, قررت بهاللحظه احط هالبوشار .. فرطت الكيس وحطيت كل الكميه ...
عاد المفروض على حجم الطنجره لي بعمل فيها .. الشغله بدها 3 مراحل ... انا اختصرتها بمرحله وحده ... وغطيتها وتركتها ...
غبت ابو خمس دقايق ... ولا راشد يذكر فيا ... وبحكيلي شو صار بالبوشار ؟
حكتله ,, اي بوشار ؟ ........... اااااااااااااااه البوشار ... والله واقوم واروح على اساس انه خلص هيك ح نزله ,,,,,,,,,,, وعينك ما تشوف الا النور ,,,, المطبخ كله دخااااان ,, بيخنق ,,,
والطنجره بتطلع دخان كثيف اي عليم الله القطار البخاري القديم ما كان يطلع نصه ...
طفيت الغاز ,,,,,,,,, وافتح يا سمسم فتحت عن الطنجره ...
ولا في حبه بوشار بيضا .. كلهم سود تحرقوا لا لقيت وحد الصراحه فيها شوية تشوهات اعطيتها راشد و حكتله يله انبسط ... كيف وانا معك ...
اذا على مستوى بوشار ... ما عرفت ... الله يبعدني عن الطبخ ..

اتحفونا اذا في عندكم اشي ...